أول يوم لي في الجامعة ^_^

بسم الله الرحمن الرحيم

وبدأت مرحلة  دراسية جديده ف حياتي اليوم 21 أغسطس 2010م ^_^

صحيت ع الساعه 6:20 ص على رسالة ليلى الدبه :

صباحك ورد لوول ,, شو أخبار الغلا كله ,,,,؟ أحلى بنوتة جامعه جايه صوبك!

وبنص عين قريت الرساله وحتى ما رديت رحت أركض أتجهز ~ بستقبل البيت للمره الثانيه فبيتنا وأنا مو جاهزه هههه

وأثناء ما أنا أجهز إلا تتصل بي : أنا قدام بيتكم !

نزلت أستقبلها وجلسنا نسولف وأكوي العبايه ف نفس الوقت . . .

وكملنا سوالفنا إلـــــــى أن وصل عمي العزيز اللي بياخذنا للجامعه =)

~

بعد وصولنا لهناك ~ أخذنا جوله فبعض الأماكن فيها يشرح لنا وين موقع كليتنا وبعض الكليات الأخرى ~ وبعض المرافق اللي من الممكن نحتاجها ف الوقت الحالي

ما حب يكثر لنا شرح عشان ما نتشتت من أول يوم ..

أخيرا وصلنا لقاعة المؤتمرات ودخلنا فيها وجلسنا ننتظر وسط زحمة البنات لحد الساعه 8 حيث بدأت  أول  محاضرة لنا ..

واستمرت محاضره ورا الأخرى وكل وحده تشرح لما أحد أقسام الجامعه ~ فائدته ~ وكيف ممكن نستفيد منه ~ وأخيرا مساحه للاستفسارات ..

وظلينا على هذا الحال للساعه 4 عصرا ~ والتعب وصل فينا مواصيله ~ رمضان وعطش وجوع وصدااع

بس الحمدلله ع كل حال

التقطت بعض الصور أثناء وجودنا هناك .. بعرض بعض منها فقط ^_^ .. كل صوره وتحتها التعليق الخاص بها :

هذي فأول محاضره لنا =)

وهذا الممر اللي يوصل للمصلي ~ لما رحنا نصلي الظهر =)

هذي القطوه حصلتها واحنا طالعين من المصلى ~ قلت إلااااااااا أصورها

هذا من الملل فإحدى المحاضرات ~ جلست أصور تلفون ليلو الدبه

هذا تلفونها ودفتر صغير كنت دايم أحمله فجيبي أيام الثانوية ~ وأكتب فيه كل ملاحظاتي وجدولي وكذا

قررت أجيبه عشان أكتب فيه بعض الملاحظات لكن ما كتبت فيه شي لأني وبكل بساطه نسيت أجيب قلم =.=”

فقررت ليلى انها تكتبلي مذكره بسيطه بدل ما أكون جايبتنه ع الفاضي

وهذا بعدما كتبتلي مذكره بسيطه وع الصفحه اليسار بعض المواقف الحلوه اللي صارت خلال اليوم

~

كان يوم مضحك / ممل / نشيطط / متعب .. وكل شي

والأهم اني استمتعت فيه ^_^

وسلامتكم